湯鎮業大女激罕現身　樸素打扮難掩星味濃

資深實力派演員湯鎮業，曾同細13歲嘅中日混血兒姜坤有過一段婚姻，婚後育有一女湯愛嘉及雙胞胎湯君慈（Bruce）、湯君耀（Chris），雖然婚姻關係僅維持咗8年就離婚收場，但同兒女有着好關係嘅佢，亦不時晒出一家人嘅飯敍相，日前更喺社交網晒出段影片，透露自己難得返港嘅同時，大女仲主動請食飯，只見當晚一行人食咗松葉蟹、蟶子、生蠔及冬瓜湯等，總共消費超過1400港元，對此湯鎮業則笑言唔覺得貴，因為係大女埋單。

而久未喺大眾前露面嘅湯愛嘉，雖然打扮低調樸素，但完美遺傳父母優良基因嘅佢，出眾顏值依然相當搶Fo，不愧係曾被譽為「最靚星二代」之一。而畢業於美國加州大學洛杉磯分校（UCLA）傳理系嘅佢，雖然早年曾出席過公開活，但就未有繼續喺娛樂圈發展，據悉有指佢從事電影幕後工作。