張敏鈞哥斯達黎加騷Quali　傲人身材媲美媽咪鍾麗緹

性感女神鍾麗緹同首任老公Glen Ross育有一女張敏鈞（Yasmine），盡得媽咪真傳嘅佢，亦不時喺社交網大派福利，盡騷玲瓏浮凸好身材，而日前去咗中美洲國家哥斯達黎加海邊度假嘅佢，亦晒出多張着紅色比堅尼襯牛仔褲嘅性感靚相，前凸後翹嘅豐滿身材媲美媽咪當年風采外，搭配埋夕陽西下嘅美景，認真「峰」光如畫之餘，佢亦感性分享道：「懷念衝浪者的生活方式、鹹鹹的日落和哥斯達黎加瘋狂的冒險。」引嚟唔少網友留言道：「你真是太美了！」、「好身材！」、「像你媽媽一樣的美麗。」