章子怡帶仔女郊遊汪峰冇影　4歲兒子激罕曝光

內地影后章子怡上年同音樂人汪峰結束8年婚姻，汪峰早前宣布已有新戀情，而章子怡就忙於工作，啱啱去完康城影展返嚟嘅佢，終於有時間休息抖一抖，佢日前喺社文網大晒同一對仔女去郊遊嘅相，而汪峰就未有同行。

章子怡以黑色喱士高衩長裙配襯毛毛靴，大晒長腿，相當養眼，而相中睇到佢嘅9歲女兒醒醒長大咗唔少，已經去到佢心口咁高，佢嘅4歲兒子亦罕有出鏡，望落佢哋兩姊弟都生得比較似爸爸汪峰囉！