曹格成失婚歌王無人問津　飢渴求愛直接拖女歌迷上台

「金曲歌王」曹格同模特兒吳速玲前年結束14年婚姻，雖然曹格不時公開表達仍愛前妻，但他近日在馬來西亞開騷，就忽然公開強調自己好需要一位女朋友，更不避嫌台上拖住女歌迷合唱，足見佢飢渴求愛。

已經離婚近2年嘅佢，一對仔女都係跟前妻生活，曹格今次喺台上主動提及感情狀況，表示自己目前仲係單身、好Dry，需要一位女朋友，許願「再給愛情一個機會」，仲直接公開徵友：「沒有老公、沒有男朋友、沒有女朋友的，我都可以！」當唱到《兩隻戀人》時，曹格仲同台下女歌迷互動，拖住對方合唱，令「牽手長髮正妹」畫面曝光。