高海寧開直播被催婚　霸氣回應：冇男人唔得呀？

藝人高海寧(高Ling)於內地狂接商演活動，近日正為無綫劇集《武林》拍攝的她，都繼續「密食」接job賺到笑。高Ling前晚收工時於社交網開直播，於南京出世的她，一有時間就會返當地探望至親的婆婆，直播中她亦透露即將返回當地出席活動，更開心表示已邀請婆婆出席支時，網民即叫她返南京要去吃小籠包，高Ling笑謂：「我唔想食小籠包，我想食醉蟹呀！」之後網民「集體」留言問她何時結婚，高Ling即將聲線調高8度謂：「點解係人都問我幾時結婚啫？點解一定要結婚啫？冇男人唔得呀依家！」霸氣又搞笑，甚有女強人本色。