李多慧自拍激罕露額頭　化身「假小子」伸脷賣萌

韓籍啦啦隊女神李多慧，近年將工作重心轉移台灣並定居嘅佢，更不時透過社交網分享生活點滴，百變造型認真冧暈唔少粉絲。日前晒出一張自拍相嘅佢，只見難得着上連帽外套嘅佢，對住鏡頭伸脷自拍之餘，仲露出飽滿額頭，小巧嘅鵝蛋臉及精緻五官，更係令佢整體望落似足18歲少女般，同昔日球場上嘅性感嫵媚相比，簡直判若兩人，引嚟唔少網友留言道：「可愛又漂亮！」、「她一直愈來愈可愛！」、「甚麼風格都很美。」、「我的心已經融化了！」