台德混血兒凌晨爬山畀蚊叮蟲咬　一雙美腿不似人形

台德混血兒唄姬，樣靚身材正嘅佢，同時憑直率性格圈粉無數，向來熱愛運動嘅佢，日前更同朋友挑戰凌晨爬山，把握登頂欣賞日出嘅最佳時機，雖然結果相當美滿，然而過程就認真樂極生悲，即使着咗Leggings爬山，都難逃畀蚊蟲叮咬嘅命運，嚴重程度更令佢哋忍唔住要即刻搽藥膏止痕；然而，事隔幾日，畀蚊叮蟲咬嘅地方，唔止又紅又腫，有啲地方仲出現大面積嘅瘀青，認真我見猶憐之餘，仲有網友因此如此美景感謝蚊蟲道：「好蚊一世平安！」