啦啦隊女神不滿平均月薪4千提告　最終結果出爐

台灣啦啦隊近年不斷引入樣靚身材正嘅日韓女神重磅加盟，隨着成員人氣高企嘅同時競爭亦愈發激烈，唔少台籍成員都拍片分享做啦啦隊嘅辛酸，其中夢想家啦啦隊「Formosa Sexy」成員少鹽（翁唯祐），有着甜美五宮及玲瓏浮凸身材嘅佢，今年2月就因合約問題同經紀公司鬧上法庭，意外曝光佢平均月薪不足2萬新台幣（約4千9百港元）外，最終結果亦於近日曝光。

日前（1日），台灣夢想家啦啦隊「Formosa Sexy」發出聲明表示：「近來少鹽與公司之間經紀合約訟爭，雙方經過充分溝通後已達成協議，尊重少鹽欠元發展，公司願意終止合約，少鹽象徵性給付168888元（約4萬港元）。公司並祝福少鹽，也希望少鹽未來能有更好的發展。」另外，Formosa Sexy亦發表聲明表示，同時終止與夢想娛樂的合作關係。