安芝儇處女騷膝蓋全傷　光鮮背後全是血與淚

有着「最強外掛」稱號嘅韓籍啦啦隊成員安芝儇，去年10月加盟台鋼雄鷹成為最強應援成員後，憑着亮麗外形及逆天長腿圈粉無數。而不時透過社交網分享生活及工作點滴嘅佢，日前亦將自己喺台灣工作嘅呢段時間剪成回憶短片，從首登台北大巨蛋嘅賽前準備，到粉絲送「粉紅小豬」吊飾等嘅難忘回憶等片段，其中為咗6月22日喺大巨蛋首場演出中，將最完美嘅演出呈現喺觀眾面前，安芝儇唔止同總監合資100萬新台幣（約23萬港元），從韓國訂製傳統韓服及扇之外，仲從5月開始閉關訓練，即使膝蓋練到全部都係損傷，但敬業嘅佢仍然強忍疼痛，保持甜美笑容及以利落嘅身姿完成舞蹈演出。