江嘉敏榮升身材管理大師：真係瘦咗

無綫小花江嘉敏現時忙於為新劇《金式森林》拍攝，劇接劇的她早前為美容院拍攝廣告，更被網民大讚顏值重回巔峰，對此她大表開心。日前嘉敏又為婚紗店拍靚相，穿着黑色低胸晚裝的她，騷胸又露美腿，她接受東網訪問時更笑言：「係咪影到好似廣告相咁呢?」說到她看來纖瘦不少，她坦言：「我係真係瘦咗嘅，因為都管住自己，唔可以食咁多，依家由佛山拍完劇返香港，我又會做番Gym，同埋之前喺清遠拍劇，嗰度啲雞好出名，每次食飯盒都有雞，但唔知點解咁好彩，個個都雞胸、雞髀，我就次次都揀中盒雞腳雞頸，就算佢哋讓我，畀我揀先，結果都係一樣，所以喺內地我都食得唔多。」