D奶巫苡萱美國出差帶錯衫　無奈逼買貴價褸

台灣啦啦隊「樂天女孩」成員巫苡萱，有着玲瓏浮凸身材及甜美笑容嘅佢，不時透過社交網派福利，而日前受邀參加三藩市巨人1A球隊San Jose Giants舉辦「台灣日」嘅佢，更喺社交網開心分享道：「能代表台灣啦啦隊之光前往參加活動，真的感到很榮幸也很開心。」

巫苡萱分享道，出發前自己已經查咗當地氣溫，以為當地同台灣氣候一樣，所以剩係帶咗夏季衫去，未料落機先發現自己查錯資料，當地氣溫剩係得10幾度，令佢無奈喺當地球場買近萬元台幣（約2千4港元）嘅「貴價褸」，並安慰自己道：「沒關係啦！我用錢買到了溫暖，而且也是一種紀念品。」