莊思敏直播帶貨剛完約　繼續做「空中飛人」開工

藝人莊思敏今日（8日）以愛心大使身份出席慈善保齡球賽，她稱今次活動甚有意義：「活動由義工協助視障人士打保齡，做到傷健共融，加上今日係殘奧最後一日，所以意義特別大。」講到打保齡，她自認技術麻麻：「細個讀書時有同同學一齊打保齡，不過冇認真學過，只係當玩，但自從貪靚做咗Gel甲後，打保齡嘅機會愈來愈少，因為怕整爛Gel甲。」另外，談到近況，莊思敏透露過去一年經常在杭州直播帶貨，現時剛完合約，但仍然不時要飛來飛去：「依家都係做網上直播同拍短視頻為主，之前返咗吉隆坡同媽咪慶祝生日，稍後要去日本做嘢。」