李多慧行夜市誤食「爬蟲類」生物　 嚇到嘔番晒出嚟

韓籍啦啦隊女神李多慧自去年喺台灣發展後，憑精湛舞技及甜美靚樣圈粉無數，而目前定居台灣生活嘅佢，更不時透過社交網分享生活點，日前晒出一段去夜市歎美食片段嘅佢，先喺鏡頭前淺嘗一塊肉，並分享口感偏軟多刺，未料隨着友人透露係「蛇肉」後，嚇到李多慧先係尖叫一聲，之後將蛇肉吐出，事實上早喺食蛇肉前，李多慧就曾透露自己非常驚蛇，認真大整蠱呀！

而喺得知蛇肉補身後嘅李多慧，亦即刻將蛇湯遞畀友人道：「你多喝…我沒關係、沒關係。」可愛反應引嚟唔少網友留言道：「多慧真的是偶像的外表，諧星的靈魂。」、「恭喜多慧成為第一個吃蛇肉的啦啦隊。」、「李多慧尖叫的樣子看起來更可愛！」、「李多慧很可愛，上節目放很開，自然又不做作。」