一粒畀仔Flirt　搞咩冇晒mood？

台灣啦啦隊人氣新人一粒，憑着甜美外貌及玲瓏浮凸身材圈粉無數，而日前台鋼雄鷹應援副團長Gary，就喺社交網晒出段用「土味情話」冧一粒嘅片段，只見佢向一粒問道：「欸！一粒，跟你說我這個人吃飯都吃得很乾淨，你知道為甚麼嗎？」等一粒搖頭回應後，Gary接着道：「因為不想放過任何一粒！」突如奇來嘅「表白」，令一粒尷尬到唔識回應，最後仲直接轉身離開。事後，Gary亦留言道：「挑戰撩一粒看來是失敗了。」