莊思明北京亮相時裝周　心郁重踏T台

無綫藝人莊思明日前到北京出席中國國際時裝周活動，更於現場接受內地傳媒訪問。同場還有藝人伍詠薇。莊思明以一身白色裝束示人，大騷長腿，高貴大方。思明接受東網獨家訪問時謂：「好開心、榮幸獲品牌方邀請出席睇騷，我咁大個女都係第一次去呢啲大型fashion week睇騷，自己抱住一個半放假心情出發，因為我都有10幾年冇去北京，可以話係寓工作於娛樂，都有半日時間可以出去觀光同食吓嘢，(男友楊明有一齊去？)有呀！咁啱嗰幾日有時間，佢又有朋友喺北京，所以大家都有食飯，對我嚟講係一個好興奮嘅旅程。」

問到莊思明有否想過自己行騷時，她謂：「睇騷時真係有諗番以前細個做part time model啲嘢，以前未入行都有行過騷，當然冇咁大型啦！但都勾起少少行catwalk嘅癮，當年選港姐時主題係行catwalk，當時好多呢啲表演，所以自己都有心癢癢，希望之後有機會可以再行吓啦！」