李施嬅克服畏高　征服死亡登山徑

藝人李施嬅除了熱愛工作，亦熱愛戶外運動，近日她在社交平台上載了一條爬山的短片，她介紹道：「呢個係我爬過最驚險嘅山，位於夏威夷嘅Olomana Trial，7公里長，難度超高，共有三個尖，由2011年到依家，已經有七個人為咗去第三個尖跌死咗。」片中她步步為營，山坡非常崎嶇陡峭，隔着屏幕也感到窒息，她直言：「我依家去第一個尖嘅路上已經好難，真係想像唔到去第三個尖有幾難，有畏高嘅朋友真係唔好嚟，真係會腳仔軟。」爬山期間她稱行到恐高症發作，但她仍堅持登山，最後終於上到第一個尖，她指：「其實第一個尖嘅風景係最靚，所以真係冇乜必要去冒險去第三個尖。」於是她決定落山，不過，上山難，落山更難，她雙手捉實繩子，手腳並用，一步一步下山。她配文表示：「每天挑戰自己一點點...#剛剛我：克服了恐高症。或者說，沒有克服，只是不要想，只去做。」網民大讚她犀利之餘，都叫她要注意安全「你很強，但還是擔心你」、「不要太冒險」，又提議她買一個頭戴的拍攝器材，因為邊爬山邊用手機拍攝太危險。