周奕瑋開工變旅行　麥美恩同老外有「艷遇」

藝人麥美恩（Mayanne）及周奕瑋（Jarvis）近日齊齊出發前往新西蘭公幹，今次二人寓工作於娛樂，抵埗數天已經賞櫻花、賞星空、與綿羊作近距離接觸，旅程「上山下海」任逍遙，他們分別於社交平台上載相關照片，其中Mayanne更有「艷遇」，與當地數位老外頭貼頭及比心合照，引起粉絲熱話！

身為旅遊達人的Jarvis，竟是第一次涉足新西蘭，他受訪時笑說：「今次最難忘係觀星，我本身好鍾意睇星星，咁啱有機會去到個好出名嘅星空觀賞區，天氣又好好，睇到好靚嘅星空同銀河，真係好滿足。」他又指今次相當幸運，遇上新西蘭的春季：「一到埗見到盛開嘅櫻花好驚喜。呢次係我除咗日本之外，第一次喺第二個地方賞櫻花，一樣都咁靚，所以影咗好多打卡相呀。」