王力宏疑有巨胸新歡　潘瑋柏晒合照證驚人身份

台灣金曲歌王王力宏2021年離婚恢復單身後，外界仍關注其感情動向，尋日（22日）台灣歌手潘瑋柏就晒出一張四人照片，寫下：「英雄聯盟，食物都是我吃的」只見合照中有佢、小鮮肉陳立農、王力宏，中間仲夾咗位身材性感嘅神秘女子，對方身穿貼身上衣，渾圓上圍呼之欲出。佢同王力宏肩膀微微碰觸，似緊靠王力宏身旁，引嚟網友猜測兩人關係！

原來該女子係32歲馬來西亞歌手黃瑋昕（Haezee），佢同王力宏一樣由伯克利音樂學院畢業，6年前參加節目《這就是歌唱・對唱季》被李榮浩大讚，2021年發行首張個人創作專輯《LOVE MAZE》，隔年入圍第33屆金曲獎最佳新人獎。而平時佢亦愛作性感打扮，豐滿身材遮都遮唔住，成個社交網都係福利照。今次佢其實都有上載合照，並留言：「那天大家都餓了…」、「fun night」自證身份。

而王力宏今日（23日）亦晒出早前於晚會中遇上17歲中國跳水「小天后」全紅嬋，王力宏仲專登彎身同全紅嬋合照，並放上網同大家分享。