32C李元玲被嘲肚凸凸　晒高衩緊身短裙反擊

馬來西亞「鋼琴女神」李元玲，有着32C豐滿上圍及零贅肉好身材嘅佢，更不時透過社交網騷Quali，人氣高踞不下。日前，佢更晒出一張着黑色緊身短裙嘅性感相，大騷婀娜多姿嘅曼妙身材外，竟然有網友質疑道：「不敢拍側面，怕看到肚腩，健的身都白費了！」

向來性格直率敢言嘅李元玲，事後亦喺社交網再晒出一輯着深藍色開高衩嘅連身短裙靚相，並分享道：「腹肌被嘲是肚腩，那有這個肚腩也不錯呀！」引嚟唔少網友留言支持道：「酸民的臉被打的很腫。」、「謝評論，你的刺激讓我們得到福利。」、「超美的，哪有肚腩？這一看就知道是肌肉線條。」