黃心穎走過熱情的沙漠　情難自控爆乳出擊

曾因「安心事件」弄得全城沸騰嘅黃心穎，事隔5年走出陰霾兼已成人妻嘅佢，更係愛得高調，不時透過社交網晒「老公視角」嘅旅行相，而早前去咗阿聯酋首玩嘅佢，近日更晒出多張沙漠靚相，並分享道：「沙漠確實好熱情，啲沙係會黐住成個身。」而黃心穎亦晒出玩越野車嘅照片之餘，其中同老公泥鯭喺夕陽下拖手影嘅背影相，更係閃到盲。

不過，好戲在後頭。黃心穎再分享了一輯泳衣照，見她穿上白式比堅尼在水中自得其樂，陶醉於旅行的樂趣之中，其後再躺在太陽櫈上接受陽光的洗禮，相當浪漫寫意。好事當然要成雙，她再換上一套設計新穎的泳衣上陣，在沙灘上漫步享受人生，未幾突然加速起跑，熱情奔放展現真我，視覺效果相當澎湃波動，網友大讚泥鯭的攝影技術，成功捕捉到太太最美的一刻。