林依晨婚紗相影足5日4夜　床頭擺滿老公視訊截圖

台灣藝人林依晨，出道逾20年嘅佢，近年就轉戰內地發展，日前受邀上綜藝節目《心動的信號》嘅佢，就難得分享自己同圈外老公林于超嘅相處之道，並踢爆老公相當重視「儀式感」，當初影婚紗相更影足5日4夜，認真震驚唔少網友。

此外，節目上林依晨亦自爆自己床頭擺滿同老公嘅視訊截圖，並表示每次望到都會諗起同老公嘅甜蜜之餘，遠睇更係組成2人拖手嘅畫面：「大張的圖示遠遠看我們兩個牽手，暈子映在公園草地上的樣子。」令現場嘉賓紛紛大讚構圖設計犀利外，林依晨老公更係認真重視儀式感，紛紛羨慕林依晨。