梁芷珮遭蜜蜂潛入裙底　除裙檢查發現被吉兩針

「旅遊達人」梁芷珮（Christy）經常跟攝影師老公周遊列國拍攝旅遊節目，見識多到國文化和特色，而近日Christy就孖老公到了德國拍節目，亦體驗到當地的特色，她日前在社交網發文，寫到：「可能係我今日着到好似一朵花咁靚，啱啱我比兩隻蜜蜂入咗條裙，針咗兩啖好痛，仲要針完都唔知係蜜蜂，痛到傻咗，即刻標返入架車，立即除咗條裙，就發現有隻蜜蜂飛咗出嚟，再叫老公幫我檢查吓條裙，就見到佢嘅尾後針，一針肚皮一針pat pat，真係好事成雙。」被蜜蜂螫傷的她，大腿上明顯可見傷口，認真慘慘。粉絲紛紛留言送上慰問，有不少粉絲亦表示有相同經驗，指當地相當多蜜蜂，不時會攻擊人類，亦有粉絲教Chrisy可以番梘擦傷口減輕痛楚。