梁超怡晒比堅尼獲讚　自嘲唔係最佳狀態

前港姐梁超怡為無綫拍攝的旅遊飲食節目《吃貨橫掃港深珠》最近出街，在節目中狂擦美食的她自言現實中也是吃貨，相當有食力，她笑說：「自己都真係超級食得，平時都食好多嘢，如果唔係做藝人要Keep Fit，相信平時會食得仲多，自己真係超級鍾意食嘢，所以好鍾意拍飲食節目。」

雖然愛吃，但在節目中以三點式泳衣示人仍保持苗條，她指拍攝雖然每日食足3餐，但拍攝節目後已經好飽，故回家也沒有再吃晚餐，所以拍攝節目以來也沒有增磅。講到在節目中以水着示人，獲網民激讚，她自言未是最佳狀態：「雖然拍攝泳衣前都冇食嘢，但係嗰排因為不停拍節目，所以都係咁食，所以都唔算最好狀態，肚仔都有啲脹，如果平時可能會有少少腹肌，就會好睇啲。」