裕美推出新歌　感覺像誕下兒子一樣

歌手裕美在電視台節目中暢談全新單曲《最佳女友的自我修養》，對於相隔多年再度推出歌曲，她坦言是因為受到填詞人林雨辰的鼓勵，還指：「做咗咁多年音樂，都冇音樂人問過我其實鍾意咩類型嘅歌？想做啲咩歌？又或者係一隻真係寫緊自己心情嘅歌。」林雨辰亦指整個製作過程，裕美說得最多的一句就是「我可以做決定㗎」。她表示以往做音樂因受制於公司，很多時也身不由己，但今次當自己提出意見時，卻收到「最緊要係你鍾意」的回覆，覺得很感動：「因為從來冇人同我咁樣講過。」

多年沒有踏足錄音室的裕美更笑稱在錄音室聽到自己把聲覺得很陌生，因為跟平時拿着咪唱歌不同，在錄音室連小小的口水聲也聽得很清楚。而且今次歌曲因應自己要求一開始便入歌，加上整首歌也沒有停頓位，要一唱到尾之餘還非常高音，所以在錄歌途中忍不住要停下來吃杯麵充飢休息。

裕美亦聲稱經過13年的經歷和成長，令自己現在唱歌更有感覺，出歌當日現場演唱時更加感動落淚，就連當年作為新人攞獎時也未曾開心如此，覺得能夠推出一首自己有份參與構想的歌曲，真的就像誕下兒子一樣。