林寶玉全透視晚裝貼乳貼亮相巴黎時裝周：喜歡神秘感

有「最索經理人」之稱的林寶玉，獻出第一次踏上巴黎時裝周舞台，成就解鎖。她表示一個半月前收到去巴黎行騷的通知，當時尚未減肥：「頭一次度身數字好大，第二次度就瘦咗少少，因為時間緊迫要飛過去，唔可以再度身，但我依家係比第一次度身時瘦咗差不多10磅，真係好牙煙。」到埗後她再試多兩套衫，最後㨂了一襲全透視晚裝，真空上陣，僅貼上乳貼，性感爆燈，寶玉表示：「幸好自己真係瘦咗，所以着邊套都可以。（好性感？）有做足安全措施嘅！因為件衫好靚、好優雅，同埋好難得嚟到巴黎行show 都盡量盡情享受展示。（接受透點？）暫時未接受到呢個程度，我都好喜歡神秘嘅感覺。」她表示開心完成行時裝周的夢想，揭開人生新一頁。