Twins廣州開唱發生小意外　阿Sa跌呢樣嘢阿嬌完美救駕

一連兩場《Twins Spirit 世界巡迴唱會》9月28及29日假廣州舉行，由年頭香港站開始，蔡卓妍（阿Sa）及鍾欣潼（阿嬌）已完了共25場巡唱，而在尾場巡唱上，分別穿上粉紅、粉綠公主裙的孖妹，驚艷全場，大騷美腿，歌迷大叫：「好靚呀！」阿嬌就笑言：「我睇網上留言，有人話我似西蘭花，哈哈。」阿Sa則話：「我覺得我哋係西瓜囉。我係西瓜肉，你係出面塊皮，哈哈哈。」可是兩人手拖手行到台邊時，阿Sa裙上的花被鈎住，探頭一望就發現：「我有朵花跌咗落嚟添！」阿嬌即時「做嘢」，幫手將花朵鈎回阿Sa的裙上，獲好友直豎拇指大讚：「Very Good！」成功救駕！而之前被傳翻脹的阿嬌已回復狀態，着白色低胸透視裙時，更終於「有番條腰」。

Encore環節時，阿Sa飲水時突然對阿嬌自爆說感作病，出現虛汗、頭及喉嚨痛，甚至全身痠痛的症狀，還問阿嬌可擔心被傳染：「我要唔要戴口罩呀？你驚唔驚？」阿嬌就安慰她，覺得阿Sa只是太焗所致。唱完串燒經典金曲後，阿Sa見暈要坐低，稍作休息後表示：「ok！得啦！」再用盡全力唱出兩首快歌，全場觀眾「狗衝」到台前，又起身跳唱，氣氛熱烈。

演唱會完結後，阿Sa於社交網 Po體溫度為 「37.5」的探熱針，阿Sa表示：「其實問過醫生，話37.5溫度係好輕微，休息過後已經好番好多，冇再燒啦！『噚』晚唱到最後，喺台上面係用生命嚟唱歌，用意志力叫自己頂住。但係觀眾，歌迷反應太勁，好似不停幫我打緊強心針咁，最尾兩隻快歌，都唔記得咗頭痛、頭暈啦。」

Twins下一站巡唱將到汕頭、佛山，11月開始便飛抵美加、英國、溫哥華及新加坡等地，而阿Sa於11月22號生日，她表示不愁要開騷而沒法慶祝，除有阿嬌相陪外，還打算約當地的親友、小學同學敍舊。