郭富城輕笑方媛被冧到面紅　4隻字震撼網友：嗲功一流

天王郭富城同太太方媛最近現身英國，被網友野生捕獲兼大方合照，即被大讚回春有術狀態極勇，等人放相不如自己放閃，方媛尋日（1日）就選擇晒出多張同老公郭富城喺英國街頭甜爆合照，當中就見到郭富城幫老婆拎晒一大堆「戰利品」，兩人煙韌漫步街頭時，方媛將頭靠向老公膊頭仔，郭富城突然笑咗一下，方媛面都紅晒，仲好嬌羞咁問：「笑甚麼呀？」即被網友狂讚佢嗲功一流，隔住螢光幕都感受到撲面而來嘅幸福感，又話終於都體會到郭富城嘅快樂，再次證明二人婚姻美滿。而「#郭富城方媛街頭撒狗糧#」、「#郭富城方媛英國街頭漫步#」話題亦被熱炒。