Lisa吊帶出動搶鏡　劉亦菲黑化仙女變地獄使者

巴黎時裝周繼續進行得如火如荼，國際巨星聚首一堂，當中就見到韓團BLACK PINK泰籍成員Lisa、內地女星劉亦菲、日本「最美星二代」木村光希同媽咪工藤靜香出席同一個品牌騷，美女如雲令人眼前一亮。當中Lisa以一身吊帶迷你裙Look襯長皮外套亮相，時髦有型，御姐味十足，加上大晒蛇腰，一出場就令現場粉絲尖叫起哄。

同場嘅劉亦菲一直都被稱為「神仙姐姐」，但今次佢就以背頭暗黑風示人，成個人「黑化」以盤扣黑外套配短裙造型見人，即被網友點名大讚依家變咗「天仙攻」又型又可愛，酷帥颯爽，仲同粉絲簽名，毫無架子。另外木村光希則以秋冬厚冷衫現身，獲阿媽工藤靜香全程跟到實，母女同場格外溫馨。