衛詩雅明年2月拉埋天窗　走訪教堂為婚事綵排

英皇藝人衛詩雅（Michelle）答應從事醫美的醫生男友周祉安（Kenley）求婚後，預告明年2月行禮及舉行婚宴，而日前Kenley在社交平台分享與Michelle的生活點滴，除拍拖遛狗外，原來二人還秘訪位於堅道的聖母無原罪主教座堂，似乎為婚禮預演。

Kenley表示今次訪主教座堂為「Church rehearsal」：「我哋去教堂綵排，因為天主教着重禮儀儀式，所以教堂方面要我哋清楚每一步驟嘅進行。」還分享頭貼頭的合照，相戀兩年半依然Sweet到漏。

至於Michelle就保持低調，未見她在社交網透露預演婚禮半句，日前留言謂：「話咁快嚟到九月最後一日，準備迎接忙碌嘅10月。」