羅天宇搵銀過生日　喜獲JＷ送厚禮

無綫小生羅天宇前日(1日)正日生日，天宇除了獲得一班粉絲為他慶生外，圈中好兄弟周志康、張景淳及胞弟胡㻗為他舉行相當有心思的生日派對，眾人分別穿着茄汁及Pizza造型的服飾，相當搞鬼，難怪天宇開心得笑到見牙唔見眼。不過，今年最特別的莫過於JW送給他的厚禮，天宇接受東網獨家訪問時，坦言JW送了5堂唱歌課給他，他於社交網限時動態PO了JW拿着手寫COUPON的相片，內裏寫着5堂價值1萬4千元，相當搞笑。

至於前晚，天宇獲邀出席晚宴活動，更於台上獻唱，實行賺住錢過大日子，問到JW是否知道他有JOB所以特別安排免費堂時，他笑言：「唔係剩係今次㗎！係for我人生以後。」他又指前晚於現場看煙花，期間大會又送蛋糕為他慶生，感覺深刻，亦很開中，「其實早幾年生日都係拍劇中度過，今年都好特別，係一個好嘅寓意，希望之後都會有多啲Job接吓。」