《黑超特警組》導演爆韋史密夫拍戲「放屁」被迫疏散3粒鐘

荷里活男星韋史密夫（Will Smith）拍過不少賣座片，90年代的《黑超特警組》（Men in Black）是其中一部系列。而該片導演Barry Sonnenfeld日前上網台節目受訪，訪問期間他大爆韋哥當年的「臭」事。

他爆料指韋哥好鍾意在拍攝現場「放屁」，試過有一次他在狹窄空間「放屁」搞到要疏散現場3小時。他說：「你真係會唔想喺一個非常細嘅密封空間裡放一個韋史密夫嘅屁。」Barry憶述當時的情況：「我哋當時準備拍韋史密夫同湯美李鍾斯（Tommy Lee Jones）嘅戲，我聽到韋（放屁時）突然講咗一聲：『哎呀，好對唔住。湯美，好對唔住。Baz（導演），快啲拎條梯嚟！』而我聽到湯美回應：『唔緊要，韋。唔使擔心。』」之後工作人員就趕快拎條梯過來，跟住大家就搶先由樓梯逃離現場。Barry表示大家最後要撤離3小時：「佢（韋）係一個可愛嘅男人，只係佢愛放屁，有啲人係咁。」