何超蓮睡衣Look似足大片　自己設計造型飆上熱搜

賭王千金何超蓮近日出席巴黎出席時裝周狂派福利，事業線、大露背、晒美腿樣樣齊，大家睇完佢嘅時尚一面，佢今日（4日）就決定休閒上陣，更一改路線轉玩睡衣Feel，上載一輯新相引網友，更因而上埋熱搜。見佢以撞色睡衣搭配慵懶捲髮，誇張耳飾同簡約線條髮箍不失精緻，又以巴黎鐵塔做Background，旋即令靚相升呢，難怪網友大讚佢迷人又慵懶，溫柔得嚟更帶感性，成個造型都好有大片感覺。大家都以為佢今次又搵嚟邊個出名造型師幫手，但原來成個Look都係佢自己設計，即令「何超蓮睡衣造型是自己設計的#」登上熱搜，時裝功力有番咁上下。