張敬軒活躍社交平台　問候網民同大家講早晨

張敬軒最近被網民發現是某全新社群平台嘅超活躍分子，幾乎日日甫文及圖上網，而令網民受寵若驚係佢會「上水」問候網民，好似朋友、同事咁同大家講「早晨」，又會分享瑣碎軼事，好似赤腳踩草減壓，留言：「我真係有去架，畀自己Take個Break，今日好好天」，又或者同網民發出窩心鼓勵：「早晨！今日大家會變靚，唔信多啲照下鏡」，總之親切到不得了。

不過令人最Like嘅係，有網友Po咗搞笑截圖，內容係有女網民話喺銅鑼灣見到全世界影緊同一個方向，雖然唔知影啲乜，但人影佢又影嘅心態下，就狂影現場一位類似球星或Rap嘅外籍男士，女網民嘅男友就問佢狂外籍男士做乜，係影都影外籍男士後面嘅張敬軒啦。而軒仔都有留意到呢個Po，仲好搞笑將自己同嗰位貌似球星或Rap嘅外籍男士，實質係佢活動保安人員嘅角色對調，留言話：「其實我嗰日嘅主要任務係保護佢。」軒仔再次博得全民一笑。