得獎舊作與男星性愛場面「打真軍」？荷爾芭莉親解多年疑團

美國女星荷爾芭莉（Halle Berry）於2001年憑電影《孽愛傷恨》（Monster's Ball）而勇奪奧斯卡金像影后寶座，成為史上首位奧斯卡黑人影后。而影片最多人談論就是她與男星比利卜科頓（Billy Bob Thornton）的超大膽情慾戲。由於2人的「動作戲」太迫真的關係而一度被傳出她們「打真軍」的傳聞。

荷爾最近亮相網台節目訪問時就解開23年來的「疑團」，她回應表示：「我哋喺片中有場非常露骨嘅性愛場面。曾經有都市傳聞話我哋係真Ｘ，我都聽人講過，不過並唔係真做。佢哋唔能夠接受我有演技而就假設嗰啲場面係真反應。咁多年嚟呢單嘢令我暗地裡好嬲。」荷爾更指比利拍攝《孽》時是已婚男性老婆是影星安祖蓮娜祖莉（Angelina Jolie）：「佢有老婆，尊重起見。安祖蓮娜又點會畀佢哋真做。」

其實比利於2012年曾回應過他們於片中「打真軍」的傳聞：「絕對唔會，我哋係演員。我哋做被要求做嘅工作，而我哋兩個對此都非常之專業。荷爾好有才華，亦係一個好美麗嘅女性。」