郭晉安「登六」終極回春　好友齊賀熱鬧過台慶

視帝郭晉安今年5月驚爆與歐倩怡離婚，歐倩怡之前爆離婚後現經濟壓力，不過安仔表示不便干涉前妻財困壓力。然而，宣布離婚後安仔愈來愈後生，適逢昨日（9日）是他60大壽的日子，與他合作新劇《金式森林》演員，以及他的老友黃智賢，王祖藍夫婦、胡定欣、楊茜堯、羅子溢、馬國明等齊齊開P，賀安仔「登六」。

從安仔在限時動態上載的影片所見，安仔明顯回春，起碼後生20年，他連切兩個蛋糕，雙手合拾感謝家，合照時又做出登六手勢和狂Yeah，見安仔全程笑容滿臉，心情大靚，一於活得比你好！

郭晉安表示今次舉行生日會希望大家可以好輕鬆、大家傾偈、交流近況、閒話家常。最驚喜是一班《金式森林》「仔女」送了一個壽桃蛋糕，更要凌空切蛋糕，相當特別：「最開心邀請O既朋友都差唔多嚟齊，《金式森林》、《白色強人》《回歸》O既演員，成晚氣氛好熱烈，雖然同佢哋講唔好買禮物、唔好畀任何賀禮，但係佢哋都好有心，楊怡（楊茜堯）就畀咗封利是我，佢話係佢阿媽畀我，出到呢招又冇得唔要。胡定欣就將賀禮損咗去做慈善，陳浚霆呢個仔就好窩心，知我想試採耳，所以送咗部採耳機畀我。」他又指最識飲識食的是王祖藍，指所吃的是正宗潮汕菜。