鮮娛糧︱關楓馨激罕三點式曝光　身材弗到漏

前港姐關楓馨近日以三點式泳衣出海與陽光玩遊戲。最近完成節目《玩轉深中懶人包》和《家常便飯爭霸戰》的她正放假，可以好好休息充電，亦趁天氣未轉冷與朋友出海，曬太陽、游水，好好充電，為隨後的工作準備。

大晒火紅色水着的關楓馨身材弗到漏，相當養眼，她說：「自己都好少着三點式泳衣，玩夏水禮遊戲節目着泳衣都會比較密實，因為怕玩遊戲走光。今次同朋友出海着三點式，可以趁機曬太陽，自己都鍾意健康膚色，其實讀書嗰陣成日曬太陽，膚色黑過依家十度，喺香港就好少曬，因為大家都鍾意白淨上鏡靚啲。」

講到身形似乎比起選美時更弗，她則說：「咁選美時再瘦啲，但係依家會認識身體多咗，會多做咗運動，食嘢又會健康啲，同埋唔係淨係追求瘦，會運動操返少少肌肉，咁先人又開心，身體又好。」