陳家樂大日子與女同眠　可愛B女瞓覺姿勢倒模爸B

男神陳家樂今日（12日）37歲生日，近日返港休息的他可以好好與太太連詩雅和剛出世的囡囡享天倫。連詩雅早前出席活動表示，家樂這位「神隊友」已由放在人生第一位的打機，改成湊B和錫老婆，認真是好爸爸和好老公。

當爸首個生日，家樂即上載與B女一同睡覺的照片上社交網，只見B女伏在爸爸身上舉高舉手睡得正甜，非常識歎，姿勢動作跟家樂一樣，難怪他也留言：「最好既生日禮物🎁多謝陳太，#日日都lum死#佢瞓覺學足我#佢個勢似會叫爸爸先！」就知家樂有女萬事足。而另一張相，見B女長大了不少，眼仔睩睩跟兌爸爸望住鏡頭，天生對鏡頭敏感，好有Camara Face。家樂受訪時表示：「由於之前忙於出埠拍劇冇覺好瞓，所以呢次返嚟終於可以有時間湊女，瞓番之前未瞓嘅覺。」