啦啦隊女神日本人氣執位　32E林襄爆紅但都不敵佢？

啦啦隊女神林襄紅到去日本，不過近日有網民透露，喺日本人眼中，林襄竟然不敵另一啦啦隊女神，嗰個就係峮峮！該網民分享與日本友人討論啦啦隊女孩，雖然林襄喺日本出過寫真人氣高企，豈料日本人第一時間諗到嘅啦啦隊女孩反而係峮峮，仲表明：「林襄很可愛，但是以日本人喜歡的類型來說，應該會是峮峮被喜歡的更久更久！」可見峮峮更適合日本人口味，而事實上峮峮亦曾於日本出過寫真，喺日本嘅人氣程度絕對不輸林襄，對此峮峮亦親自留言回覆多謝網友支持。