歐陽妮妮韓國遊晒巨肚　自曝有產前煩惱

台灣女星歐陽妮妮6月底下嫁藝人男友張書豪，並於9月中宣布懷孕嘅佢，近期更不時喺社交網分享懷孕靚相及心得，日前晒出一輯頂住巨肚同張書豪暢遊韓國嘅照片中，歐陽妮妮更分享道：「底片洗出來可以再回憶一次旅行，那時候還可以走一萬步，怎麼才過幾周就快走不動了。」

此外，歐陽妮妮亦透過社交網向有經驗嘅網友問道：「想問各位生過的媽咪們！可以跟我分享剖腹產跟自然產的經驗嗎？好猶豫。」引嚟唔少網友分享育兒心得嘅同時，佢更逐一認真留言回覆，認真媽咪唔易做。