余香凝台灣大解放　超低胸晒極致好身材

影后余香凝狀態愈戰愈勇，日前她在社交網Po出靚相，穿上超貼身裁剪吊帶裙，身材fit到漏，美麗鎖骨可謂引死人，她發文：「有自信的女人是最吸引的，找到最適合你的Look，散發出你的獨特魅力。」正身在台灣的她，心繫家中的女兒，她晒出與女兒視像的限時動態，卻搞笑地將女兒的樣子貼上「機械人頭」，她自己就貼上「便便頭」，跟女兒說聲「Goodnight！」已大滿足。

余香凝指今次造型對她來說是一大挑戰，她接受東網獨家訪問時表示：「始終生咗兩個小朋友，今次條裙都幾貼身，有少少性感。」她表示拍攝前都不敢吃太多及做運動，希望保持最佳狀態。她續稱：「我發覺最重要都係心理狀態，要有自信，有自信嘅女人就最靚，不論生咗兩個，對體態都要有自信，自信地着衫，展現自己最美一面。」

提到今次到台灣工作，地道美食當前，也刻意節制，直言畢竟開始踏入30多歲，飲食習慣也有改變，她表示：「唔可以好似10、20歲乜都食，依家想食都只係食一兩啖，食得比較健康清淡，有時又會獎勵自己食想食嘅嘢，覺得要對自己身體負責，希望返來時都可以保持好體態。」余香凝又表示第一日到台灣已經掛念家中兩個寶貝，每日也會視像，希望自己健健康康，返港便可以同小朋友周圍玩，她又感恩有機會到不同地方嘗試不同的工作，體驗不同文化。