鍾嘉欣加拿大4,000呎獨立屋曝光　巨型廚房見得人

藝人鍾嘉欣（Linda）2015年同脊醫Jeremy Leung結婚，之後佢大部分時間都係留加國湊三個小朋友，早於結婚初期，就有指鍾嘉欣搬入老公位於溫西克里斯岱爾區（Kerrisdale）、面積達4,000呎的兩層高獨立屋，尋日（15日）佢公開廚房環境，極寬敞愛巢再次曝光！

鍾嘉欣身住物業估值約1,700萬港元，當時登記老公名下；獨立屋所在小區環境清幽，鄰近有公園、高爾夫球場，區內有知名中、小學，包括全省排名第四私立小學Crofton House女校、連續多年排名第一私立女校York House，豪宅區必備條件有齊晒。鍾嘉欣新相就晒出，巨型廚房，備有多部蒸、焗爐具，在家炮製大餐招呼親友都無難度。鍾嘉欣過往又晒過室內環境，有樓梯方便上落，寬敞客廳可擺放巨型聖誕樹，又有大壁爐。二樓露台就遠眺成個社區，小朋友又可以喺露台玩，空間感十足。

佢留言：「知足是一個人最大的幸福，知道自己想要啲乜嘢，不被物質困惑，才會體會到真正快樂。感恩當下，祝大家感恩節快樂！」