吳紫韻豪嫁富二代狂遮樣　晒3卡巨鑽威水婚禮行頭

前無綫娛樂新聞台主播吳紫韻（Purple），上周低調與圈外富二代拉埋天窗，二人於五星級酒店成婚，Purple又分享婚後感受，大晒3卡巨鑽婚戒及婚禮當日行頭。

見佢行中式儀式時未有着上傳統裙褂，而係揀選新中式大紅裙晚裝配金器，即使未見金豬牌，但手上兩對巨型龍鳳鈪都份量十足。另一張相就見到新娘婚鞋及婚戒，當中3卡巨鑽求婚戒最搶眼。婚禮場地就以鮮花做布置，一對新人於大型拱門前許下愛的承諾，Purple又以心形圖案遮住老公樣貌，只露出半身及手部，身體力行保護老公仔。