魏浚笙西裝下藏爆肌身形　苦練拉筋：聽到「啪」一聲

藝人魏浚笙（Jeffrey）與鄧卓殷（Amber）今日出席鐘錶品牌活動，作為品牌代言人的Jeffrey穿上西裝現身，難掩其爆肌身材，他笑指西裝內暫時藏有42吋胸肌和強勁腹肌，透露近期正努力操肌，為年底開拍的新片作準備：「今次係動作片，好多打戲，所以想練到45吋胸，同靚啲嘅線條，令畫面好睇啲。」除了練肌肉，他亦有上電影動作班，笑言最辛苦是拉筋：「因為想做啲大動作。（一字馬？）依家得半字馬，哈哈！最記得有次師傅幫我拉筋，嘩！精彩，聽到啪一聲。」他表示該片會走訪其他亞洲國家拍攝，預計會逗留約個半月，不過詳情暫未能透露，但表示並非《九龍城寨》系列，至於聖誕則會留港出席商演。

同場的Amber於今年情人節宣布喜訊，被男友郭子豪求婚成功，她指已定於下年中舉行婚禮，笑指二人以佛系方式籌備中，希望帶給親友一個深刻難忘回憶。