石修新抱再現深溝　公開換衫過程大方橙Bra揈揈

石修兒子陳宇琛（Sam）太太係前有線電視主播林佑蔚（Camille），佢最近就因為頻頻上載大尺度福利圖引熱議，今次佢再獻新猷，同大家分享佢置裝出街扮靚靚短片，不過佢唔只係畀大家睇素顏咁簡單，佢更係由換衫開始派福利，睇到網友眼凸凸！

影片開端就見到林佑蔚素顏現身睡房，本身就已經得粉橙色喱士bra配家居短褲，露出白滑豐滿上半身，佢仲要束起髮尾對鏡頭吹完頭先着番件白色Tee。之後佢就開始一系列恤髮、化妝等過程，完成後再做出多個比心pose結尾，簡單日常但又有晒睇頭，果然深知網友心。