「葉惠美」出面售大巨蛋飛　周杰倫急打假：太扯了！

台灣天王周杰倫（周董）係圈中出名嘅孝順仔，早年曾以母親之名《葉惠美》做專輯名，更令「葉惠美」成為最有名氣星媽。最近佢宣布今年12月將成為第一位喺台北大巨蛋舉辦售票演唱會嘅歌手，暌違7年台灣開騷，門票將於下周開賣，都預咗會有好多黃牛黨網上販售來路不名嘅票券，估唔到依家更有人假冒周董媽媽葉惠美嘅身分，公開網上賣票，令人咋舌！

有詐騙集團以「葉惠美」英文名成立粉絲團，甫出同周董合照，內容寫下：「我叫葉惠美，是亞洲著名歌星周杰倫的媽媽，兒子最近有點忙於演唱會，所以我來幫他聯繫粉絲，你買票了嗎？預購票快來吧！」對此，周董本尊就親自打假，直接截圖該粉絲團，並寫道：「假冒我就算了，假冒我媽太扯了…」更寫上「Fake」字眼，提醒歌迷千祈唔好被騙。