陳煒被老公訓練成「茶記達人」　做食評家食唔停

藝人陳煒（煒哥）近日擔任TVB Plus（82台）節目《美食新聞報道》嘉賓。當介紹出場時，她被獲笠高帽，形容為「男人救星、女人典範、做戲勁、廚藝精，仲要識凍齡」。煒哥帶大家走訪西環一間熟食中心，自爆被醫生老公訓練成「茶記達人」︰「佢好鍾意食茶餐廳，18區任何地方總之有好評、好食嘅茶餐廳，都會去試，而未識老公前，我係唔食茶餐廳㗎。」

煒哥推介餐廳的沙嗲牛肉麵，特點是新鮮牛肉配上雞湯熬製的湯底，令人回味無窮。其後她又去幫襯西貢一間海鮮酒家，該餐廳已連續15年獲米芝蓮一星，當中艇皇飯令煒哥化身食評家，讚口不絕謂︰「有蝦乾、臘腸、銀魚仔、魷魚浸軟配上蝦醬放飯面蒸，佢食嘅時候完全唔使落豉油，因為本身已經夠鹹香。」