妮歌潔曼自爆拍攝新片情慾戲搞到有高潮要cut機抖抖

澳洲女星妮歌潔曼（Nicole Kidman）早前憑話題新作《Babygirl》而勇奪《威尼斯電影節》影后，於片中飾演已婚公司老闆的她與年輕見習生發生不倫戀，她與男星Harris Dickinson片中有多場火辣辣情慾戲。現年57歲的妮歌近日受訪時就自爆拍攝時因太投入而要向導演「嗌停」。

妮歌接受英國傳媒時承認拍攝情慾戲時「起高潮」，她說：「當我哋拍攝時有幾次搞到我要同佢（男拍檔）講：『我唔想再有高潮。唔好行近我。我好憎呢啲嘢。我唔會理會以後一世冇得被摸！我夠喇。』」