張文慈孖張慧儀飯局　同尹天照慶生變集體回憶

近年不少港星北上工作及發展，卻不忘發揮港人團結精神，一有時間便相約三五知己飯聚，互相打氣﹗近日苑瓊丹（苑仔）及張慧儀不約而同剛巧「過境」廣州，即相約張文慈（Pinky）及曾經合作過的台灣演員林志豪等見面聚舊，眾人度過了一個愉快的晚上，且不停合照留念。

談到今次飯局，Pinky開心表示﹕「因為咁啱有個朋友生日，我哋咪有局囉。其實我都好多年冇見慧儀喇，苑仔份人好好嘅，一直都好照顧喺內地嘅藝人朋友，等我哋有個照應。依家我覺得朋友即使唔成日見面都好，只要珍惜相聚時刻就已足夠！」一向長情的Pinky記得電視台舊同事尹天照生日，日前主動相約對方慶生，兩人見面的照片流出後，即勾起網民對經典劇《我和疆屍有個約會》系列的集體回憶！

另外，久違了的慧儀因要為患有心臟病的養子籌集過百萬醫藥費，近十多年於內地穿州過省工作，而近日養子病情已告穩定，加上決定修讀神學，所以慧儀決定歸返香港生活。