黃智賢「登六」　鄭嘉穎出動3條King玩表情包為契爺慶生

視帝鄭嘉穎與黃智賢（Ben）向來老友鬼鬼，嘉穎3個寶貝仔更成為Ben的契仔，為慶祝Ben「登六」，Ben就到嘉穎家中作客慶生，但因為陳凱琳（Grace）全程負責揸機影相，所以沒有入鏡。

眾人大擦大閘蟹之餘，又叫壽司刺身到會，小朋友大大隻大閘蟹擦落肚，十分搞笑。影合照時，嘉穎3個仔長子鄭承悅（Rafael）、2子鄭承亮（Yannick）和孻仔Carlos簡直是表情包，Rafael更展現表演欲，時而嘟嘴賣萌，時而反白眼；Yannick就表演笑到見牙唔見眼；細仔Carlos就玩天然呆，認真搞鬼。

嘉穎向Ben留言：「我真係恭喜你⋯😏有三個咁錫你嘅契仔😂生日快樂呀契爺👨🏼‍🦳P.s. Grace 話幫手影相冇合照，所以要P返入去。」