李珠珢百變造型勁煞食　迷人電眼冧到暈

韓國啦啦隊人氣成員李珠珢樣靚身材正，憑精湛舞蹈圈粉無數，人氣高踞不下嘅佢，更掀起「台韓大戰」，兩地球團紛紛極力爭取佢嘅合約。而早前受邀拍代言廣告嘅佢，日前更晒出一段幕後花絮，只見佢先係着上藍色洋裝襯緊身短裙騷美腿，之後又再換上一套小露香肩嘅黑色短裙，盡騷香肩美背之餘，最後嘅學院風及T恤休閒Look，更係盡顯青春俏皮，迷人電眼更係引嚟唔少粉絲留言：「快來台灣呀！」、「可惜我在台灣，不然我也要買，支持李珠珢！」